- الرحله اللي كانت سبب لغز للعالم كله ومحدش عارف اي اللي حصل ولا اي حلها وده اللي احنا هنعرفه في الحلقه دي جاهزين يلا بينا.
- في ايطاليا وتحديدا في سنة 1911 و مع بداية القرن العشرين وتطور الثورة الصناعيه وخاصه في المواصلات سواء السفن او العربيات او القطارات كانت كل شركه بتتنافس ازاي تجزب ليها الناس وبخصوص الاغنياء علشان يستثمرو فيها ومن ضمنهم شركه زانتي اللي الموضوع بتاعنا عنها النهارده.
- شركه زانتي عملت تصميم لقطار وقتها كان مسابق العصر القطر ده مكون من 3 عربات غير الجرار اللي بيسحبهم وقالت ان القطار ده مش اول رحله ليه هتكون من روما لمدينه ملاينو داخل ايطاليا 🇮🇹 نفس اللي حصل مع تايتنك انها برضو كانت اول رحله ليها المهم.
- تذاكر القطار ده كانت محدوده جدا لدرجه انه كان صعب الحصول عليها بسهولة.
- لان كانت اول رحله فريدة من نوعها والقطار كانت مجهز بكل حاجه فخمه من مشروبات واكل وغير كده انه بيمر بمناظر طبيعيه وخلابة جميلة ومن ضمن الطريق نفق طولة 1000 متر يعني كليو واحد واللي من الطبيعي ان القطر يعديها في دقايق وفي يوم 14 مايو وتحديدا في سنة 1911 تم اجتماع الركاب واللي عددهم 106 من اهم الاشخاص في البلد واتحرك القطار وسط حشود من الناس وفضل مكمل في طريقه وسط المنظار الخلابة لحد ما وصل عند النفق وكل حاجه كانت ماشية تمام لحد لما دخل النفق وهوب.
- مظهرش من الناحية التانيه و معاد الرحله جه والناس في انتظار وصول القطر ولكن مفيش حاجه علي القطبان والوقت بيمر والتوتر بيزيد لحد ما تلقت الحكومه مكالمه من شخصين كانو راكبين في القطر وبيقولو ليهم ان القطر اختفي.
- بسرعه الحكومه راحت عند النفق وملقيوش اي اثر للقطر وكان الارض انشقت وبلعته، ملقيتش هناك غير شخصين من ركاب القطر في حاله من الذهول والرعب .
- فتم استجوابهم عن اللي حصل وقالو انهم كانو جوه القطر وفجاءة سمعو الصوت ده (تيييت) فحسو بحاجه غريبه ولانهم قريبيين من الباب ففتحوه وبصو من بره، فلقو ضوء ابيض عمال يقرب عليهم وهو وبيزيد وفجاءه اتحول لسائل لزج ابيض وابتدي يبلع القطر.
- ولانهم قريبن من الباب قدرو انهم ينطو ويهربو من القطر علي عكس باقي الركاب اللي الزج الابيض ده بلعهم.
- وقتها الحكومه بدات انها تدور في كل حته ومفيش اي اثر لدرجه انهم شالو القطبان وحفرو تحتها ولكنهم ملقيوش اي حاجه، فاطرت الحكومه وقتها انهم يقفلو النفق ده وميتفتحش تاني والشركه كانت بتحاول انها تخفي اي خبر عن الموضوع ده علشان سمعتها.
- لحد ما جات الحرب العالميه الاولي ومن كتر قذف الطيران ادمر النفق ده نهائي واتقفل موضوع القطر ومحدش فتحه تاني.
- بس الموضوع مخلصش لحد هنا العلماء كان تفسيرهم في الكلام ده ان في فجوات زمنيه موجوده في الكون وملهاش مكان محدد يعني بتتغير من مكان للتاني وبالتالي اي ردار او جهاز ما يقدرش يكتشف اي جسم بيخش فيها علشان الشخص اللي بيدخلها ممكن يخرج في عالم تاني سواء في الماضي او المستقبل. زي اللي في القطر ده او مثلث برمودا.
- وده اللي حصل فعلا في 1955 وتحديدا في اوكرانيا 🇺🇦 واحد من عمال السكه الحديد طلع يجري علي رؤساءه في الشغل وقالهم انه شاف قطر غريب معدي علي السكه وشكله قديم وبيخترق اي حواجز قدامه وجواه اشخاص شكلهم غريب وفضل ماشي علي السكه لحد ما اختفي. وقتها افتكرو انه بيخرف واضرو انهم يدوه اجازة لحد ما بدات ناس كتير تتكلم عن الموضوع وانهم فعلا شافو القطر الغريب ده.
- لحد ما بدا بعض الاشخاص انه يبحثوا في الموضوع و عرفوا من مواصفاته انه قطار زانيتي اللي اختفي في 1911 ومع تكمله بحثهم عرفو انه في دكتور نفساني مكسيكي انه كان متكلم في كتابة عن قصه غريبه وانه في سنه 1845 في المكسيك ظهر جسم غريب وشه حديد وكان جوه 104 شخص ولما تم استجوابهم قالو انهم كانو في رحله من روما الي ميلانو في ايطاليا 🇮🇹 وانهم دلوقتي في سنه 1911 مش 1845 وده خلي الحكومه المكسيكيه تقبض عليهم وتحطهم كلهم في المستشفي وفجاءه اختفي تاني القطر هو والاشخاص ومظهرش تاني وانتهت القصه علي كده واحنا كمان حلقتنا خلصت.